Bakıda Böyük Britaniya vətəndaşını qarət edən şəxsə hökm oxunub. Bu haqda 17 may tarixində Kriminalqafqaz məlumat verib.
Səbail rayonu ərazisində ötən il iyulun 12-də, gecə saat 02:00 radələrində
BP şirkətində mühəndis vəzifəsində çalışan Böyük Britaniya vətəndaşı V.V. 28 May metro stansiyasına tərəf gedərkən yolda yuxulayaraq yatıb. O, bundan əvvəl dostları ilə futbol matçına baxarkən spirtli içki qəbul edib və sərxoş olub.
Bu zaman Astara rayon sakini, 50 yaşlı F.Həsənzadə əcnəbi vətəndaşın sərxoş halda skamyada yatdığını görərək ona yaxınlaşıb və 6500 manat qiyməti olan “Luminor Panerai” markalı qol saatını, 1800 manat dəyəri olan “İphone 12 Pro” markalı mobil telefonunu, ayağındakı “Nike” markalı ayaqqabılarını çıxararaq oğurlayıb. Həsənzadə daha sonra bazarda 6500 manatlıq saatı 10 manata satıb.
Səbail Rayon Məhkəməsində bir neçə gün əvvəl F.Həsənzadəyə hökm oxunub. O, Cinayət Məcəlləsinin “Oğurluq - xeyli miqdarda ziyan vurmaqla və şəxsin üzərindən, cibindən, çantasından və ya digər əl yükündən çıxarılmaqla törədildikdə” maddəsi ilə 2 il müddətinə həbs cəzası verib.
