Paytaxtın Nizami rayonu, Qara Qarayev prospektində qanunsuz taksi fəaliyyəti və parklanma ilə bağlı polis reydləri keçirilib. Bu haqda bu gün, 29 oktyabr tarixində Bakuplus.az AzTV-yə istinadən məlumat verib.
Reyd zamanı fərqlənmə nişanı və vergi ödəyicisi olduğunu göstərən sənədi yerində olmayan sürücülər barədə aidiyyəti qurumlar tərəfindən tədbirlər görülüb. Yoxlamalar zamanı sürücülərlə maarifləndirici söhbətlər aparılıb.
Sürücülərdən taksi fəaliyyəti üçün müvafiq vergi növünün də ödənilməsi tələb olunub.
“Taksi fəaliyyəti ilə məşğul olan sürücülər Dövlət Vergi Orqanlarına müraciət edərək Dövlət Vergi Orqanlarında qeydiyyatda durmalıdırlar. Daha sonra BNA-ya müraciət edərək fərqlənmə nişanı əldə edib bu fəaliyyət növünü seçə bilərlər”, - deyə Bakı şəhəri DYP İdarəsinin inspektoru Rüstəm Əhmədli bildirib.
Reydlər gün ərzində davam etdirilib.
