Bakıdakı “8-ci km bazarı”nda ciddi pozuntular aşkarlanıb. Bu haqda 12 noyabr tarixində Bakuplus.az Fövqəladə Hallar Nazirliyinə istinadən xəbər verir.
FHN-in Dövlət Yanğın Nəzarəti Xidməti tərəfindən paytaxtın Nizami rayonu, “8-ci km bazarı” (“Vosmoy bazarı”) kimi tanınan “Vüqar-2” ticarət mərkəzində yanğın-texniki müayinə zamanı yanğın təhlükəsizliyi sahəsində çoxsaylı nöqsanlar aşkar olunub.
Ticarət mərkəzinin yanğın təhlükəsizliyinə qarşı cavabdeh şəxsi Həsrət Həsrətov barəsində Azərbaycan Respublikasının İnzibati Xətalar Məcəlləsinin 536.1-ci maddəsinə əsasən, inzibati xəta haqqında protokol tərtib edilib, nöqsanların aradan qaldırılması üçün sahibkara təqdimat ünvanlanıb və sənəd ticarət mərkəzinin nümayəndəsinə təqdim olunub.
“Yanğına qarşı aşkar edilmiş qayda pozuntuları aradan qaldırılmayacağı təqdirdə qanunvericiliyə uyğun daha ciddi tədbirlərin tətbiq ediləcəyi sahibkarın nəzərinə çatdırılıb", - FHN-in Dövlət Yanğın Nəzarəti Xidməti qeyd edib.
[caption id="attachment_78811" align="alignnone" width="640"]
Foto FHN-nin Youtube kanalı[/caption]
