Paytaxtın Nərimanov rayonu, Z.Bünyadov prospekti, 29 ünvanında yerləşən tikinti materialları satılan obyektdə qanun pozuntuları aşkarlanıb. Bu haqda bu gün, 28 oktyabr tarixində Bakuplus.az Fövqəladə Hallar Nazirliyinə istinadən xəbər verir.
“Unimetal” MMC-yə məxsus obyektdə keçirilən yoxlama zamanı məlum olub ki, çəkilmiş elektrik xətlərində izolyasiya örtüyü zədələnmiş və sıradan çıxmış naqillərdən istifadə edilib, obyektin bəzi sahələrində elektrik xətləri yanar konstruksiyaların üzərindən çəkilib.
Bundan əlavə, yanğının söndürülməsi üçün istifadə edilən su mənbələrinə və yanğın inventarlarına gedən yollar bağlanıb. Obyektin ərazisində siqaret çəkilməsinin qadağan edilməsi barədə xəbərdaredici nişanlar quraşdırılmayıb.
Aşkar olunan faktlarla bağlı obyektin fəaliyyəti qismən dayandırılıb, sahibi isə məsuliyyətə cəlb olunub.
[caption id="attachment_76828" align="alignnone" width="640"]
Foto FHN-in rəsmi saytı[/caption]
