Bakının Qaradağ rayonunda uşağı avtomobillə vuraraq öldürməkdə təqsirləndirilən Nizami Rəhimliyə hökm oxunub. Bu haqda bu gün, 17 aprel tarixində Report məlumat verib.
Bakı Ağır Cinayətlər Məhkəməsinin hakimi Novruz Kərimovun sədrliyi ilə keçirilən proses zamanı Rəhimli 5 il müddətinə azadlıqdan məhrum edilib.
Hadisə Korgöz qəsəbəsi ərazisindən keçən Korgöz - Qızıldaş avtomobil yolunda axşam saatlarında baş verib. Belə ki, sürücülük hüququ olmayan Bakı sakini, 29 yaşlı Nizami Rəhimli “VAZ-21099” markalı avtomobillə yolu keçən 9 yaşlı Könül Sadıxovanı vurub. Uşaq xəstəxanaya aparılarkən yolda vəfat edib.
