Bakı Nəqliyyat Agentliyi Bakıdakı velosiped yolları ilə bağlı açıqlama verib. Bu haqda 21 dekabr tarixində Trend xəbər verib.
Şəhərin mərkəzi küçə və prospektlərində, Bulvar ərazisində 7,5 kilometr uzunluğunda velosiped yolunun inşası davam edir. Hər iki istiqamətdə eni 1.5 metr olan yol mövcud norma və standartlara uyğun qurulur.
Bakı Nəqliyyat Agentliyi bildirib ki, velosipeddən istifadə iqlim dəyişikliyinə töhfə verə biləcək ən uğurlu alternativ nəqliyyat vasitəsidir. Agentlik velosipedin nəqliyyat vasitəsi kimi populyarlaşdırılmasını hədəfləyir.
“Aktiv mobillik növlərinin təşviqi, rahat piyada hərəkəti və velosiped sürmək üçün şəraitin yaradılması istiqamətində tədbirlər davam etdirilir. Şəhərin Baş Planına əsasən 2027-ci ilə qədər Bakıda 63.5 kilometr uzunluğunda, 2040-cı ildə isə paytaxtda 251 kilometr uzunluğunda velosiped yolunun çəkilməsi planlaşdırılır.”- agentlik məlumat verib.
