Bakıdakı metro stansiyaların yaxınlığında Yeni il ilə əlaqədar küçə satışı başlanıb. Artıq “Nəriman Nərimanov”, “28 May” və “Xalqlar Dostluğu” stansiyalarının yaxınlığında çadırlara rast gəlmək olar.
Satış yarmarkalarında hər zövqə və büdcəyə uyğun bəzək əşyaları, Yeni il ağacı, bəzəkləri və oyuncaqlar var.
Belə ki, masaüstü balaca ağacların qiymətləri 2 manatdan başlayır, yerüstü ağaclar isə 25 manantdan 100 manata qədər ölçüdən asılı olaraq satılır. Bəzək oyuncaqlarının bir ədədi 10 qəpikdən 5 manata qədər, dəst qutularda isə 5 manatdan 30 manata qədər satılır. Həmçinin çadırlarda qiyməti 5 manat və daha yüksək olan müxtəlif fənərlər və elektrik çələnglərinin böyük seçimi var. Yarmarkada zınqırovlar, yaylar və ulduzlar, karnaval maskaları, Şaxta Baba geyimi, salfetləri digər mağazalardakılardan daha münasib qiymətlərə almaq şansınız var.
Ümumilikdə paytaxtın 12 rayonunda 20-yə yaxın çadırın quraşdırılması nəzərdə tutulub.
[URIS id=17812]
