Türkiyədə yaralananlar üçün Bakıda çarpayılar hazırlanıb. Bu haqda bu gün, 8 fevral tarixində Prezident İlham Əliyev açıqlama verib.
Ölkə başçısı Türkiyə səfiri ilə danışığı zamanı Bakı və Naxçıvandakı xəstəxanaların hazır olduğunu bəyan edib.
“Bizim xəstəxanalarda yaralı qardaş-bacılarımızın müalicəsi uçun bütün şəraitlər var. Həm Bakıda, həm də digər şəhərlərdə, o cümlədən Naxçıvan Muxtar Respublikasında artıq çarpayılar ayrılıb və əgər ehtiyac olarsa, biz xəstələri gətirməyə də hazırıq”, - deyə Prezident qeyd edib.
O, Türkiyənin yanında olmağın böyük bir şərəf olduğunu vurğulayıb.
Daha öncə Prezident İlham Əliyevin Türkiyənin Azərbaycandakı səfirliyinə baş çəkməsi ilə bağlı məlumat verilmişdi.
