Bu gün Bakıda “Made in Uzbekistan” sərgisinin açılışı keçirilib. Bu haqda BakuPlus 15 dekabr tarixində xəbər verir. Sərgi Baku Marriott Boulevard Hotel-də təşkil olunub.
80-dən çox müəssisənin iştirak etdiyi sərgidə Özbəkistan Sərmayələr və Xarici Ticarət Nazirliyi yanında İxracatı Təşviq Agentliyinin direktoru Uluqbek Muradov çıxış edib.
Sərgidə kənd təsərrüfatı malları və texnikasından başlayaraq ev məişət əşyalarına qədər müxtəlif məqsədli avadanlıqlar nümayiş olunur.
Özbəkistanın Azərbaycandakı səfirliyinin müşaviri Məhəmmədcan Batırəliyev də öz çıxışında iki ölkə arasındakı əlaqələrin inkişafı barədə danışıb.
Sərgi çərçivəsində Azərbaycan və Özbəkistan iş adamları arasında B2B formatında görüşlər keçiriləcəyi gözlənilir.
Bundan əvvəl, “Made in Uzbekistan” sərgisinin keçiriləcəyi barədə ətraflı məlumat vermişdik.
[URIS id=20457]
