Bakıda Ümumdünya Şəhərsalma Forumu keçiriləcək. Bu haqda bu gün, 1 dekabr tarixində Bakuplus.az Report-a istinadən xəbər verir.
Şəhərsalma sahəsində ən mötəbər və genişmiqyaslı iştirakçılığa malik, 2 ildən bir dünya şəhərlərinin birində keçirilən bu forum sürətli urbanizasiya və onun şəhərlərin inkişafına təsirini araşdırmaq məqsədi daşıyan ən böyük qlobal platformadır.
Tədbir çərçivəsində həm Azərbaycan, həm də xarici ölkələrdən maraqlı tərəflər – dövlət rəsmiləri, QHT-lər, bu sahədə fəaliyyət göstərən mütəxəssislər, ekspertlər, özəl sektorların nümayəndələri bir araya gələcəklər.
Daha öncə müxtəlif illərdə Forum Katovitse, Barselona, Rio-de-Janeyro, Vankuver, Əbu-Dabi, Kuala-Lumpur və bir sıra digər şəhərlərdə təşkil edilərək, bir tədbirə 23.000 nəfərə qədər iştirakçı cəlb edə bilib.
Paytaxt Bakı 2026-cı ildə sözügedən foruma ev sahibliyi edəcək.
