Gələn ildə Bakı dairəvi dəmir yolu xətti ilə hərəkət edən “ekspres” qatarlarında vaqonların sayı artırılacaq. Bu haqda bu gün, 15 dekabr tarixində Bakuplus.az Report-a istinadən məlumat verir.
ADY-nin mətbuat katibinin sözlərinə görə, hər bir qatar üzrə vaqonların sayı 10-a çatdırılacaq. Qatarların sayının da artırılması nəzərdə tutulur.
Nəzərova onu da qeyd edib ki, Abşeron dairəvi xəttini genişləndirilmək və regionlarda sərnişindaşımanı bərpa etmək üçün 3 illik strategiya tətbiq olunur: “Bakı-Balakən-Bakı marşrutu üzrə sərnişindaşımanı bərpa etmək üçün lazımi tədbirləri görürük. Hazırda Yevlax-Balakən istiqamətində infrastrukturun kompleks sağlamlaşdırılması işləri aparılır. 2024-cü ildə Abşeron dairəvi xətti, Gəncə, Goran və Qəbələ vağzallarında pulsuz vayfay zonasının fəaliyyət göstərməsini təmin edəcəyik”.
