Bakıdan Qarabağa təşkil olunmuş avtobus reyslərinə fevral ayı üçün biletlər satışa çıxarılır. Bu haqda bu gün, 25 yanvar tarixində Bakuplus.az Rəqəmsal İnkişaf və Nəqliyyat Nazirliyinə istinadən xəbər verir.
26 yanvar saat 15:00-dan etibarən fevral ayı üçün biletlərin satışına start verilir. Sərnişinlər biletləri www.yolumuzqarabaga.az portalı vasitəsilə onlayn qaydada ala bilərlər. Bilet almaq üçün vətəndaşlar şəxsiyyəti təsdiq edən sənəddəki məlumatları sistemə daxil etməlidirlər. Hər bir bilet yalnız şəxsiyyət vəsiqəsi ilə eyniləşdirilən vətəndaş tərəfindən istifadə oluna bilər. Onun başqa şəxsə ötürülməsi mümkün deyil.
İşğaldan azad olunmuş ərazilərə ilk avtobus reyslərinə 2022-ci ilin 24 yanvar tarixində start verilib. Bu günə qədər ümumilikdə 506 reys həyata keçirilib.
