Bakıdan zəlzələ bölgəsinə ümümilikdə 88 TIR yola salılıb. Bu haqda bu gün, 10 fevral tarixində Bakuplus.az Report-a istinadən məlumat verir.
"Toplanan yardımlar könüllülər tərəfindən çeşidləndikdən sonra TIR-lara yüklənir və qardaş ölkəyə yola salınır. Təkcə dünən 23 TIR yardım göndərmişik. Ümumilikdə indiyədək zəlzələ bölgəsinə 88 TIR yardım yola salmışıq. Bu gün isə 20-25 TIR-ın yola salınması nəzərdə tutulur", - Azərbaycan-Türkiyə Yüzyılı Birlik və Dayanışma Platformasının üzvü Öndər Aksoy bildirib.
Aksoy, həmçinin geyinilmiş geyimlərin qəbul edilib-edilməməsi məsələsinə də aydınlıq gətirib: "İkinci əl geyimlər ayrı, təzələr isə ayrı qutulara yığılır. İkinci əl geyimlərin nisbətən yaxşı vəziyyətdə olanları kimyəvi təmizləmədən sonra paketlənib göndərilir”.
Son məlumata əsasən, hadisə nəticəsində Türkiyədə 18.991 nəfər ölüb, 75.523 nəfər isə yaralanıb.
[caption id="attachment_90259" align="alignnone" width="640"]
Foto Report.az saytı[/caption]
