Bakı Mühəndislik Universitetinə (BMU) yeni kadr təyin olunub. Bu haqda bu gün, 1 dekabr tarixində Bakuplus.az Report-a istinadən xəbər verir.
Texnika elmləri doktoru, Azərbaycan Milli Elmlər Akademiyasının (AMEA) müxbir üzvü, professor Ağası Məlikov universitetin elmi işlər üzrə prorektoru vəzifəsinə təyin olunub. O, artıq rektor Yaqub Piriyev tərəfindən kollektivə təqdim olunub.
A.Məlikov Bakı Dövlət Universitetinin Riyaziyyat fakültəsini bitirib, Neftkimyaavtomat Elmi-Tədqiqat və Layihə İnstitutunda müxtəlif vəzifələrdə çalışıb. Ukrayna Milli Elmlər Akademiyasının akademiki V.S.Korolyukun rəhbərliyi ilə doktorluq dissertasiyası müdafiə edərək texnika elmləri doktoru elmi dərəcəsini alıb və bir sıra nüfuzlu ali təhsil ocaqlarında professor kimi fəaliyyət göstərib. Onun elmi məqalələrinə istinad sayı 1200-dən artıq, H-indeksi (Hirş indeksi) 18-dən yüksəkdir.
Bu təyinata qədər elm xadimi Milli Aviasiya Akademiyasında kafedra müdiri vəzifəsində, həmçinin AMEA İdarəetmə Sistemləri İnstitutunda çalışıb.
[caption id="attachment_121734" align="alignnone" width="640"]
Foto Report.az[/caption]
