Bakı məktəblərində təhsil alan şagirdlərin sayı açıqlanıb.
Bakı Şəhəri üzrə Təhsil İdarəsi (BŞTİ) xəbər verir ki, qurumun tabeliyində fəaliyyət göstərən ümumi təhsil müəssisələri üzrə ümumilikdə 513.698 şagirdin təhsil alacağı gözlənilir. Onlardan I sinfində 46.098, IX sinfində 44.233, X sinfində 35.757 , XI sinfində 32.260, XII sinfində isə 156 şagirdin təhsil alacağı proqnozlaşdırılır.
BŞTİ-nin tabeliyində fəaliyyət göstərən məktəbəqədər təhsil müəssisələrinə 45.201 uşağın, ümumi təhsil müəssisələrinin məktəbəhazırlıq qruplarına isə 29.216 beşyaşlının cəlb olunacağı gözlənilir.
Bundan əlavə, yeni tədris ilində BŞTİ-nin tabeliyində fəaliyyət göstərən ümumi təhsil müəssisələrində 29.400 müəllim, məktəbəqədər təhsil müəssisələrində isə 4830 tərbiyəçi-müəllim çalışacaq.
BŞTİ-nin tabeliyində 698 təhsil müəssisəsi fəaliyyət göstərir. Onlardan 342-si məktəbəqədər təhsil müəssisəsi, 327-si ümumi təhsil, 3-ü xüsusi tipli ümumi orta məktəb, 5-i əyani-qiyabi axşam məktəbi, 12-si internat tipli müəssisə, 9-u isə məktəbdənkənar müəssisədir.
