Bakı Metropoliteni “20 yanvar” günü ilə əlaqədar gücləndirilmiş iş rejimində işləyəcək. Bu haqda bu gün, 18 yanvar tarixində Bakuplus.az qurumun mətbuat xidmətinə istinadən məlumat verir.
“20 Yanvar”, “İçərişəhər” və “Elmlər Akademiyası” stansiyalarında insan axınına uyğun olaraq iş rejimində dəyişikliklər olacaq. Ehtiyac yarandıqda xəttə ehtiyat qatarlar buraxılacaq.
Bundan əlavə, Metropolitenin bütün stansiyalarında matəm və marşlar səsləndiriləcək. Eləcə də, “20 Yanvar” stansiyasının sütunlarına və şəhidlərin adlarının həkk olunduğu lövhələrin yerləşdiyi vestibül sahələrində divarlara qərənfil çələngləri asılacaq.
20 yanvar saat 12:00-da bütün qatarlar dayandırılacaq və 1 dəqiqə ərzində fasiləsiz fit verilərək, sükutla şəhidlər yad ediləcək.
