Bakı metropolitenində daha bir əhəmiyyətli istismar-istehsalat sahəsi yenidən qurulub.
“Nərimanov” elektrik deposu ərazisində biri yeni inşa edilmiş, digəri isə əsaslı şəkildə yenidən qurulmuş iki sexdə yeni təmir sahələrinin yaradılması özünü doğruldub. Bu haqda Bakı metropoliteninin mətbuat xidmət məlumat yayıb.
Xidmət iki binada yerləşməklə iki sahəni özündə birləşdirir. Birinci və əsas funksional sahə hərəkət qatarlarının dartı mühərriklərinin və kompressorların təmiridir. Digər sahə bütün növ elektrik avadanlıqları və alətlərin təmirini özündə birləşdirir.
Sexlərdə ən müasir tələblərə cavab verən və avtomatlaşdırılmış 16 müxtəlif dəzgah və qurğu, o cümlədən sınaq stendi stansiyası quraşdırılıb.
Burada nəinki əvvəlki nəsildən olan vaqonların sinxron, həm də yeni tipli qatarların asinxron mühərriklərinin təmiri uğurla aparıla bilir. Eskalatorların, ventilyatorların, su və suvurma qurğularının nasoslarının və s. mühərriklərin təmiri də bu sexlər də aparılır.
İki ilə yaxın müddətdə 500-ə yaxın dartı mühərrikinin 85 faizi, 200-dən artıq hava kompressorunun 90 faizə, 100-dən artıq Pl tipli elektrik mühərrikinin hamısı, 100-ə yaxın asinxron mühərrikin 75 faizə yaxını istismara qaytarılıb.
[caption id="attachment_20725" align="alignnone" width="800"] Foto Bakı Metropoliteninin rəsmi saytı[/caption]
