Bakı metrosunda 20 Yanvar faciəsinin ildönümü ilə əlaqədar tədbirlər keçirilir. Bu haqda bu gün, 20 yanvar tarixində Bakuplus.az Bakı Metropoliteninə istinadən xəbər verir.
“20 Yanvar” stansiyasında platformanın sütunlarına qərənfillərdən çələnglər qoyulub. Platformanın əsas giriş vestibülünün ön hissəsində qərənfillərdən kompozisiya yerləşdirilib. Həmçinin 20 Yanvar gecəsinin və 1994-cü ilin 19 mart terroru qurbanlarının adları həkk olunmuş xatirə lövhələri olan divarlara qərənfillərdən çələnglər yerləşdirilib.
Bütün stansiyalarda mərkəzləşmiş radio şəbəkəsi vasitəsilə vətənpərvərlik mövzusunda günün ruhuna uyğun musiqi parçaları və marşlar yayımlanır.
Saat 12:00-da metropoliten tunellərində olan bütün qatarlar stansiyalara çıxarılacaq və ölkə ərazisində bütün nəqliyyat vasitələrində olduğu kimi, stansiyalarda fasiləsiz fit səsi ilə müşayiət olunan anım dəqiqəsi keçiriləcək.
[caption id="attachment_126943" align="alignnone" width="640"]
Foto Report.az[/caption]
