19 mart 1994-cü ildə saat 13:00-da Bakı metropoliteninin “20 Yanvar” stansiyasında partlayış baş verib. Qatarın baş vaqonuna qoyulmuş saat mexanizmli əldədüzəltmə bomba qatar stansiyada dayanarkən partlamışdı.
Terror aktı nəticəsində 4 nəfər həlak olmuş, 49 nəfər yaralanmışdı. Həlak olanlar arasında xalq artisti Rafiq Babayev də olub.
Araşdırma zamanı hadisənin Ermənistan xüsusi xidmət orqanları tərəfindən hazırlandığı və separatçı “Sadval” təşkilatının üzvləri tərəfindən həyata keçirildiyi məlum olmuşdu.
11 nəfər cinayət məsuliyyətinə cəlb edilmiş, onlardan 2-sinə ölüm hökmü verilmiş, 9 nəfər isə müxtəlif müddətlərə azadlıqdan məhrum edilmişdi.
Terror aktı nəticəsində həlak olan insanların adları “20 Yanvar” metro stansiyasının divarına həkk olunaraq əbədiləşdirilib.
