25 noyabr tarixində Bakı metropoliteninin 3 stansiyasının iş rejimi uzadılacaq. Bu haqda “Bakı Metropoliteni” QSC-nin mətbuat xidməti məlumat yayıb.
“Qarabağ” Futbol Klubu UEFA Avropa Konfrans liqası turnirinin qrup mərhələsi çərçivəsində növbəti oyununu keçirməsi səbəbindən “Gənclik” stansiyası gücləndirilmiş iş rejimində fəaliyyət göstərəcək.
Bu haqda “Qarabağ” klubunun rəhbərliyinin “Bakı Metropoliteni” QSC-nə metropolitenin iş rejimində dəyişiklik edilməsi barədə ünvanladığı müraciət təmin edilib.
“Gənclik”, habelə “Nəriman Nərimanov” və “28 May” stansiyaları noyabr ayının 25-dən 26-na keçən gecə saat 01:00-a qədər sərnişinlərin girişinə açıq olacaq. Sərnişinlər mənzil başına çatdırılana qədər xətlərdə qatarların hərəkəti davam edəcək.
Bundan savayı, “Nəriman Nərimanov” stansiyasında da ehtiyat tədbirləri görüləcək.
