Bakının tibb müəssisələrinə yeni təyinatlar olub. Bu haqda bu gün, 4 iyul tarixində Bakuplus.az Report-a istinadən xəbər verir.
Təyinatlar aşağıdakı kimi olub:
Nurəngiz Bəşirova Sabunçu Tibb Mərkəzinin direktoru vəzifəsinə təyinat alıb. O, Beyləqan Rayon Mərkəzi Xəstəxanasının direktoru kimi işləyirdi.
Suraxanı Tibb Mərkəzinin rəhbərliyinə Ələkbər Tağıyev gətirilib. O, M.Ə.Əfəndiyev adına Xətai Tibb Mərkəzinin direktoru kimi çalışırdı.
Suraxanı Tibb Mərkəzinin direktoru olan Aybəniz Saniyeva öz növbəsində M.Ə.Əfəndiyev adına Xətai Tibb Mərkəzinin rəhbərliyinə təyinat alıb.
Bundan əlavə, Mərkəzi Neftçilər Xəstəxanasının Kardiologiya şöbəsinin müdiri olan Saleh Hüseynov tibb müəssisəsinin direktorunun terapiya işləri üzrə müavini təyin edilib.
Leyla Şərifova Bakı Baş Səhiyyə Mərkəzinin direktorunun müavini olub. O, 5 nömrəli Şəhər Poliklinikasının baş həkimi işləyirdi.
“Liv Bona Dea Hospital”ın Sahələrdə tibbi xidmət şöbəsinin müdiri kimi çalışan Talıb Məmmədov Sabunçu Tibb Mərkəzinin direktorunun müavini, baş həkim vəzifəsinə gətirilib.
“Yeni Klinika”nın direktorunun müavini, Cərrahiyyə və transplantasiya mərkəzinin rəhbəri cərrah-transplantoloq Eldar Əhmədov isə “Liv Bona Dea Hospital”ın baş həkiminin müavini vəzifəsinə təyinat alıb.
Samux Rayon Mərkəzi Xəstəxanasının həkim-ftiziatrı Fizuli Cəfərov isə Abşeron Rayon Mərkəzi Xəstəxanasının direktorunun müavini - baş həkim olub.
