Bakı Şəhər İcra Hakimiyyətində (BŞİH) rayon icra hakimiyyətləri və şəhər xidmətləri rəhbərlərinin iştirakı ilə geniş tərkibdə müşavirə keçirilib. Bu haqda bu gün, 10 iyul tarixində Bakuplus.az məlumat verir.
İclasda bir sıra məsələlər, o cümlədən son vaxtlar şəhərdə aparılan genişmiqyaslı abadlıq-quruculuq işləri müzakirə edilib, işlərin sürətləndirilməsi və keyfiyyətlə başa çatdırılması üçün müvafiq tapşırıqlar verilib.
Xətai və Yasamal rayonlarının rəhbərlərinə qeyri-yaşayış binalarının fasadlarının və hasarların qeyri-qənaətbəxş vəziyyətdə olması ilə bağlı ciddi xəbərdarlıq edilib.
Şəhərdə aparılan abadlıq-quruculuq işlərinin vəziyyəti, yaşıllıqların genişləndirilməsi məsələləri də müzakirə olunub.
