Bu il mayın 10-da ümummilli lider Heydər Əliyevin 100 illik yubileyi ilə əlaqədar Bakı-Quba-Rusiya sərhədi ödənişli avtomobil yolu hazır olacaq və istifadəyə veriləcək. Bu barədə bu gün, 31 yanvar tarixində Bizim.Media deputat Vahid Əhmədova istinadən məlumat verib.
Onun sözlərinə görə, ödənişli avtomobil yolu istifadəyə verildikdən sonra ənənəvi Bakı-Quba yolunun Qubaya aid olan hissəsinin bərpasına başlanılacaq.
“Ondan sonra Bakı-Quba yolunun əsaslı bərpası nəzərdə tutulur. Çünki yolun Qubadan Bakıya gələn hissəsi təmirə bağlandıqdan sonra Bakıdan Qubaya gedən hissəsi də sıradan çıxıb, indi bu zolağın təmirə bağlanması planlaşdırılır”, - deyə millət vəkili bildirib.
