Bakıətrafı ərazilərdən paytaxta gələn sərnişin avtobuslarında reyd keçirilib. Bu haqda bu gün, 30 noyabr tarixində Daxili İşlər Nazirliyinin mətbuat xidməti məlumat yayıb.
Aparılan yoxlamalar zamanı 70-ə yaxın sürücü və sərnişinlərin qoruyucu maskalardan istifadə etməməsi, eləcə də bəzi sürücülərin peyvənd olunmadığı müəyyən edilib.
Bundan əlavə, 567 nömrəli marşrut xəttinin 3 avtobusunda sürücülərin narkotik maddənin təsiri altında nəqliyyat vasitələrini idarə etdikləri aşkarlanıb.
Şübhəli şəxslər saxlanılıb, onların idarə etdiyi avtobuslar xəttdən kənarlaşdırılıb.
"Bir daha vətəndaşları qayda və tələblərə əməl etməyə çağırır və bildirirk ki, ictimai nəqliyyatda polis əməkdaşları tərəfindən gücləndirilmiş nəzarət-profilaktik tədbirlər bundan sonra da mütəmadi olaraq davam etdiriləcək," - deyə qurum əlavə edib.
[URIS id=16566]
