Bakıda 14-cü mərtəbədən yıxılan qız sağ qalıb.
Qafqazinfo.аz xəbər verir ki, hadisə dünən saat 17 radələrində Nərimanov rayonu Yusif Vəzir Çəmənzəminli küçəsində baş verib.
2008-ci il təvəllüdlü Z.M. həmin küçədəki 60 saylı 16 mərtəbəli binanın 14-cü mərtəbəsindən yıxılıb. Dərhal hadisə yerinə təcili tibbi yardım maşını çağırılıb.
Xəstəxanaya yerləşdirilmiş Z.M.-in vəziyyətinin ağır olduğu bildirilir.
Hadisə ilə bağlı Kliniki Tibbi Mərkəzin (KTM) mətbuat katibi Ruzbeh Məmməd bildirib ki, 2008-ci il təvəllüdlü qadın bədənin müştərək travmaları diaqnozu ilə KTM-nin Təcili və Təxirəsalınmaz Tibbi Yardım şöbəsinə qəbul olunub:
“Xəstəyə zəruri tibbi yardımlar göstərildikdən sonra Reanimasiya şöbəsinə yerləşdirilib. Hazırda koma vəziyyətindədir, süni ventilyasiya aparatına qoşulub, vəziyyəti ağır qiymətləndirilir”.
