Bakının Nəsimi rayonunda ağır yol-nəqliyyat hadisəsi zamanı üç nəfər xəsarət alıb.
APA xəbər verir ki, hadisə Rəşid Behbudov və 28 may küçələrinin kəsişməsində qeydə alınıb.
Belə ki, kəsişmədə iki motosiklet keçərkən “Changan” və “Toyota” markalı maşınlara çırpılıb. Qəza nəticəsində motosikletlərin sürücüləri və sərnişin ağır xəsarət alıb. Yaralılar Kliniki Tibbi Mərkəzə yerləşdirilib.
Baş vermiş avtomobil qəzası zamanı xəsarət alan şəxslərin kimliyi də müəyyən olunub. Bunlar 2002-ci il təvəllüdlü Tağıyev Zeynalabdin Elçin oğlu, 1989-cu il təvəllüdlü Məhərrəmov Sehran Əli oğlu və 1991-ci il təvəllüdlü Allahverdiyev Vüsal Kamil oğludur.
Həkimlərin verdiyi məlumata görə, üç yaralı xəstəxanaya yerləşdirilib. Onlardan ikisinin ayaq sümükləri sınıb. Yaralılar cərrahi əməliyyat edildikdən sonra xəstəxananın reanimasiya şöbəsinə yerləşdirilib.
Faktla bağlı Nəsimi Rayon Polis İdarəsinin əməkdaşları araşdırma aparır.
