Bakıda öz övladını zorlamaqda təqsirləndirilən E.E-nin cinayət işi üzrə məhkəmə istintaqı yekunlaşıb.
Lent.az-ın əldə etdiyi məlumata görə, bu barədə qərar Bakı Ağır Cinayətlər Məhkəməsində elan edilib.
Dövlət ittihamçısı ittiham nitqi ilə çıxış edərək məhkəmədən təqsirləndirilən şəxsin 18 il müddətinə azadlıqdan məhrum edilməsini tələb edib.
Məhkəmə qısa müşavirədən sonra hökmü elan edib.
Hökmə əsasən, təqsirləndirilən şəxs 17 il müddətinə azadlıqdan məhrum edilib.
Qeyd edək ki, hadisə ötən ilin martında paytaxtın Yasamal rayonunda qeydə alınıb.
Belə ki, 1981-ci il təvəllüdlü E.E öz cinsi istəyini ən pozğun şəkildə təmin etmək üçün 2021-ci ildən 2024-cü ilədək 2007-ci il təvəllüdlü E.T-yə qarşı seksual xarakterli zorakılıq hərəkətləri edib.
Ona qarşı Cinayət Məcəlləsinin 150.3.3-cü (seksual xarakterli zorakılıq hərəkətləri, on dörd yaşına çatmayan şəxs barəsində törədildikdə) maddəsi ilə ittiham irəli sürülüb.
