Yasamalda təhlükəsizlik kameraları ilə bağlı maraqlı məqam ortaya çıxıb.
Milli.az-ın məlumatına görə, sakinlər iddia edir ki, buradakı kameralarının yerləşdirilməsi yalnız yol təhlükəsizliyi və nəzarəti üçün deyil, həm də ictimai intizamın qorunması məqsədi daşıyır.
İddialara görə, binanı çəkən kamera yerə zibil atan sakinlərin müəyyənləşdirilməsi üçün quraşdırılıb. Kimsə pəncərədən yerə zibil atsa, kameraların köməkliyi ilə mənzil müəyyən ediləcək, mənzil sahibi cərimə olunacaq.
Qeyd edək ki, Azərbaycanda yaşayış binalarının ətrafında müşahidə kameralarının quraşdırılması bələdiyyə və ya mənzil-istismar idarəsinin qərarı ilə mümkündür.
