“BakuBus” MMC 172 nömrəli müntəzəm marşrut xətti üzrə keçirilən müsabiqənin qalibi elan edilib. Bu haqda bu gün, 13 iyun tarixində Bakuplus.az Bakı Nəqliyyat Agentliyinə (BNA) istinadən məlumat verir.
Daha öncə həmin marşrut “Ayşən-LTD” MMC-nin müvəqqəti istismarında olub.
İyunun 15-dən bu marşrut üzrə sərnişindaşıma dövlət şirkəti tərəfindən həyata keçiriləcək. Dəyişikliklər nəticəsində 10 minə yaxın əhalinin yaşadığı Bilgəh qəsəbəsinin sakinləri üçün ictimai nəqliyyatın əlçatanlığı xeyli artacaq.
