Bakının Sabunçu və Qaradağ rayonlarında yerləşən texniki müayinə mərkəzləri qeyri-iş günlərində gücləndirilmiş və fasiləsiz iş rejimində fəaliyyət göstərəcək. Bu barədə bu gün, 23 iyun tarixində Bakuplus.az Dövlət Yol Polisi İdarəsinə istinadən məlumat verir.
Qurban bayramı ilə əlaqədar texniki müayinə mərkəzləri 24 saat, Baş Dövlət Yol Polisi İdarəsinin Qeydiyyat-imtahan idarəsi isə saat 09:00-dan 18:00-dək fasiləsiz olaraq fəaliyyət göstərəcək.
Nəqliyyat vasitələrinin sahibləri və sürücülər asudə vaxtlarını və yaradılmış imkanları dəyərləndirərək istər qeydiyyat-imtahan, istərsə də texniki baxışla bağlı adi iş günlərində olduğu kimi DYP-nin aidiyyəti qurumlarına müraciət edə bilərlər.
