Bayram günlərində TƏBİB-nin Təcili Tibbi Yardım Stansiyaları gücləndirilmiş iş rejimində çalışacaq. Bu barədə bu gün, 30 dekabr tarixində TƏBİB-nin mətbuat xidmətindən məlumat verilib.
Qeyri-iş günlərində xidməti nəzarətdə saxlamaq üçün məsul şəxslərdən ibarət növbətçilik yaradılacaq, həkim briqadalarının sayı xidməti ştata uyğun təşkil olunacaq.
Bakıda 150 təcili tibbi yardım briqadası hazır vəziyyətə gətirilib. Onlar tibbi ləvazimatlar, dərman preparatları və s. ilə tam təmin olunublar.
Yeni illə əlaqədar paytaxta çoxlu qonaqların (xüsusən də xarici ölkələrdən və bölgələrdən) gəldiyini nəzərə alaraq, tibbi heyət təlimatlandırılaraq müvafiq ləvazimatlarla təmin olunacaq.
Təcili tibbi yardım xidmətinin fəaliyyətinə nəzarət etmək üçün məsul şəxslər nəzarət tədbirləri keçirəcəklər. Çatışmazlıqlar aşkar edilərsə, dərhal tədbirlər görüləcək.
Peyvənd məntəqələri bayram günlərində də fəaliyyət göstərəcək.
