Bayram günlərində ölkədə banklar və “Azərpoçt” fəaliyyət göstərəcək. Bu haqda bu gün, 28 dekabr tarixində Bakuplus.az Azərbaycan Mərkəzi Bankına istinadən xəbər verir.
31 dekabr - 6 yanvar qeyri-iş günlərində ölkədəki bankların filial və şöbələri, eləcə də Rəqəmsal İnkişaf və Nəqliyyat Nazirliyinə məxsus “Azərpoçt” MMC-nin şöbələri və valyuta mübadilə məntəqələri fəaliyyət göstərəcək.
Ümumilikdə 14 bankın 101 satış nöqtəsi, o cümlədən 3 bank üzrə 7 satış nöqtəsi 24 saat rejimində olmaqla və “Azərpoçt”un 74 şöbəsi, eləcə də 5 valyuta mübadiləsi məntəqəsi, o cümlədən biri 24 saat rejimində olmaqla müştərilərə xidmət göstərəcək.
Fəaliyyət göstərəcək bank, “Azərpoçt” şöbələri və valyuta mübadilə məntəqələrinin siyahıları paylaşılıb.
