Beynəlxalq Avtomobil Federasiyasının (FIA) prezidenti Mohammed Ben Sulayem Bakıya səfər edib. Bu haqda bu gün, 5 dekabr tarixində Bakuplus.az Azərbaycan Avtomobil Federasiyasına istinadən məlumat verir.
O, dekabrın 5-8-də baş tutacaq FİA Baş Assambleyalarının iclasları və Mükafatlandırma mərasimində (FIA Prize-Giving Ceremony) iştirak edəcək.
Bakıda keçiriləcək FİA həftəsinə 128 ölkədən nümayəndə və avtomobil klublarının təmsilçiləri qatılır.
FİA həftəsi çərçivəsində Heydər Əliyev Mərkəzinin foyesində unikal klassik və idman avtomobilləri nümayiş etdirilir.
