Səbail rayonunda avtomobil yollarından biri bağlanacaq. Bu haqda bu gün, 19 avqust tarixində Bakuplus.az Avtomobil Yolları Dövlət Agentliyinə istinadən xəbər verir.
Bakı-Ələt-Qazax yolunun Bibiheybət məscidindən Lökbatan dairəsinədək olan hissəsində, hər 2 istiqamətdə yol cigizləri rənglənəcək. Bu səbəbdən 19 avqust saat 22:00-dan 20 avqust saat 22:00-a qədər yolda hərəkət qismən məhdudlaşdırılacaq.
Ərazidən keçən sürücülərdən diqqətli olmaları xahiş olunur.
