Paytaxtda müştəriyə qarşı zorakılıq edən taksi sürücüsünə hökm oxunub. Bu haqda bu gün, 13 dekabr tarixində Bakuplus.az Qafqazinfo-ya istinadən xəbər verir.
Bakı Ağır Cinayətlər Məhkəməsinin qərarına əsasən, Etibar Qədimov (şərti) 8 il müddətinə azadlıqdan məhrum edilib.
Ötən ilin dekabr ayında Şirvan şəhər sakini olan Güllü İsmayılova taksi kimi fəaliyyət göstərən 42 yaşlı Masallı rayon sakini Etibar Qədimovun avtomobilinə minib. Təqsirkar İsmayılovaya daha üç müştəri götürəndən sonra yola düşəcəyini bildirsə də, bir qədər sonra müştəriləri Bibiheybət qəsəbəsi ərazisindən götürəcəyini deyib və avtomobili şəhərə doğru sürüb. Qədimov maşını qəsəbə ərazisində saxladıqdan sonra arxa oturacağa keçərək bıçaqla qadını hədələyib və ona qarşı cinsi təcavüz edib.
Daha sonra taksi sürücüsü İsmayılovanı avtomobillə yenidən Lökbatan dairəsinə gətirərək düşürüb. Düşdükdən sonra zərərçəkən Etibarın sürdüyü avtomobilin şəklini çəkib və polisə zəng edərək məlumat verib.
