Suraxanı rayonunda toyuq kəsimi məntəqəsindən gələn qoxu ərazidə yaşayan insanları təngə gətirib. Bu haqda 10 iyun tarixində Bakuplus.az Milli.az-a istinadən xəbər verir.
Məntəqənin ərazisində olan hovuzlardan yayılan pis qoxu Binə qəsəbə sakinlərinin burada yaşamağını dözülməz edir. Havalar istiləşəndə isə problem daha da böyüyür. Sakinlər bildirir ki, vəziyyətlə əlaqədar dəfələrlə aidiyyəti qurumlara müraciət etsələr də, dərdlərinə əlac tapa bilmirlər.
Məsələ ilə bağlı kəsim məntəqəsi açıqlama verib. Məntəqədən bildirilib ki, onlar tam qanuni şəkildə fəaliyyət göstəririlər. Əraziləri kənd təsərrüfatı üçün ayrılıb, onlardan şikayət edən insanlar isə qanunsuz olaraq burada ev tikiblər. Ərazidə olan hovuzlardakı sulara qalınca isə bildirilib ki, sular hər gün xüsusi maddələrlə filtrdən keçirilir və yenidən emal edilərək yaşıllıqlar üçün istifadə olunur. O ki qaldı üfunətə, müəssisə bildirib ki, burada hər hansı bir pis qoxudan söhbət gedə bilməz. Məntəqədə kəsim aparılarkən Qida Təhlükəsizliyi Agentliyinin nümayəndələri tərəfindən prosesə nəzəraət edilir.
