Paytaxtın Xətai rayonu, General Şıxlinski küçəsi, 57 və 59 ünvanlarında həyətlər yenidən qurulub. Bu haqda bu gün, 4 oktyabr tarixində Bakuplus.az İDEA İctimai Birliyinə istinadən xəbər verir.
“Bizim həyət” layihəsi çərçivəsində 1200 nəfər sakinin yaşadığı ərazidə süni örtüklü mini futbol stadionu, şahmat meydançası, müxtəlif idman qurğuları və uşaq meydançaları salınıb. Həmçinin 6 söhbətgah, çoxsaylı oturacaqlar, tullantılar üçün qutular, quş yuvaları və pişik evləri quraşdırılıb.
Bundan əlavə, həyətdə yeni işıqlandırma dirəkləri, müşahidə kameraları quraşdırılıb, binaların fasad və blokları tam təmir olunub. 525 ədəd müxtəlif cinsli ağaclar və minlərlə kollar əkilib, 4200 kv.m ərazidə yaşıllıq zolağı salınıb.
[URIS id=73100]
