“Bravo” hipermarketinə silahlı hücum edənlərin məhkəməsi davam edir. Bu haqda bu gün, 22 noyabr tarixində Bakuplus.az APA-ya istiandən xəbər verir.
Prosesdə təqsirləndirilən İbrahim İbrahimov ifadə verib. O, Ruhlan İsmayılovu 3 il tanıdığını deyib:
"Mən cinsi azlıq nümayəndəsi olduğumu dediyim üçün ailəm məni evdən qovdu. Ona görə rayondan Bakıya köçdüm. Həmin vaxtlar universitetdə oxuyurdum. Pandemiya başlayanda iş yeri bağlandı və mən işsiz qaldım. İntihar etmək istəyirdim. Ruhlan mənə yazdı ki, belə bir şey etməyim. Yazdı ki, ev tutacaq, birlikdə yaşayacağıq. 3 il birlikdə yaşadıq. Ruhlan kirayə pulunu və evin xərclərini ödəyirdi".
İ. İbrahimov Ruhlan İsmayılovun borclarının çox olduğuna görə bu addımı atdığını deyib:
“Azər Məmmədovla Ruhlan İsmayılov birlikdə qaraj açmışdılar. Ruhlan 5000 AZN sələm götürmüşdü. Sələmi də şişib çoxalmışdı. 2022-ci ilin ortaları idi. Dəyanət dedi: “Gəl, belə bir iş görək”. Hər gün “Bravo”ya gedirdilər. Mənim heç bir işdə rolum olmayıb. Hadisə günü Ruhlan gəldi, paltarını geyindi, Azərin maşını ilə getdi".
Növbəti iclas 6 dekabr tarixində baş tutacaq.
Cari ilin mart ayında Xətai rayonunda yerləşən “Bravo” hipermarketinə silahlı hücum edilib. Nəticədə 1 nəfər dünyasını dəyişib.
