Bu gün Hərbi Qənimətlər Parkının açılışından 3 il keçir. Bu haqda 12 aprel tarixində Bakuplus.az xəbər verir.
Prezident İlham Əliyevin təşəbbüsü ilə salınan parkda 44 günlük Vətən müharibəsində ələ keçirilmiş, eləcə də məhv edilmiş hərbi texnika, silah-sursat və digər əşyalar parkda, açıq səma altında nümayiş olunur.
Bundan əlavə, Azərbaycan Silahlı Qüvvələrinin işğaldan azad olunan torpaqlarda düşməndən qənimət götürdüyü 2000-dən çox avtomobilin nömrə nişanlarından hazırlanan lövhə də parkın ərazisindədir.
Hazırda hərbi qənimətlər parkı Ağ şəhər bulvarının yanında, 8 Noyabr prospektində fəaliyyət göstərir.
