Caz-muğam ifaçısı 1940-cı ildə Bakıda anadan olub. Asəf Zeynallı adına Musiqi Məktəbində, Üzeyir Hacıbəyli adına Azərbaycan Dövlət Konservatoriyasında təhsil alıb.
Caz-muğam üslubunun banisi “Orero” ansamblına, “Qafqaz” caz üçlüyünə, “Leyli” və “Sevil” qadın vokal-instrumental və “Muğam” instrumental ansambllarına rəhbərlik edib. Həmçinin o, “Leyli” vokal kvartetini, “Sevil” vokal-instrumental ansamblını yaradıb.
1979-cu ildə “Əzizəni gözləyərkən” kompozisiyası ilə Monakoda Beynəlxalq caz kompozisiyaları müsabiqəsində ən yaxşı bəstəkar kimi birinci yerin və “Ağ royal” mükafatının sahibi olub.
Vaqif Mustafazadə 1979-cu ildə vəfat edib.
