Bu gün, 23 yanvar tarixində Bakı Ağır Cinayətlər Məhkəməsində “Nikosayağı” kimi tanınan bloger Nicat Şakirlinin cinayət işi üzrə məhkəmənin hazırlıq iclası keçirilir. Bu haqda Bakuplus.az Report-a istinadən məlumat verir.
Hakim Samir Əliyevin sədrliyi ilə keçirilən prosesə jurnalistlər buraxılmayıblar. Bu, media nümayəndələrinin etirazına səbəb olub. Bildirilir ki, məhkəmə proseslərinin hazırlıq iclası və son – hökm hissəsi ictimaiyyət üçün açıq keçirilməlidir.
Hazırda iclas davam edir.
Ötən ilin avqust ayında bloger Nicat Şakirli ağır qəza törədib. Nəticədə 1 nəfər ölüb, blogerin isə qolu amputasiya olunub. Nicat Şakirli 5 ildən 8 ilə qədər azadlıqdan məhrum edilə bilər.
