Dənizkənarı Bulvar ərazisində velosiped zolağı salınıb. Bu haqda bu gün, 14 mart tarixində Bakuplus.az Oxu.az-a istinadən xəbər verir.
Bu addım sosial şəbəkələrdə birmənalı qarşılanmayıb. Belə ki, daha öncə həmin ərazidə velosiped və skuter sürmək qadağan edilmişdi.
Dənizkənarı Bulvar İdarəsinin mətbuat xidmətinin rəhbəri Əfsanə Mehdiyeva məsələ ilə bağlı bildirib ki, velosipedlərin və skuterlərin istifadəsi ancaq sahil zolağında qadağandır.
“Həmin məhdudiyyət yay aylarında və cəmi iki həftə tətbiq edilmişdi. Amma bu müddətdə də dənizkənarı sahilə yaxın zolaqda velosiped və skuter sürülməsinə icazə yox idi”, – deyə Ə.Mehdiyeva qeyd edib.
