Dənizkənarı bulvarda gülməli, amma bir o qədər də narahat edən bir hadisə baş verib. Gənc cütlük bulvarda, Kiçik Venesiya şəhərciyi ərazisində gəzişərkən yorulub və skamyada oturmağa qərar verib. Ancaq oğlan skamyada əyləşərkən, oturacaq qırılıb və gənc yerə sərilib.
Bakuplus.az-a hadisəni izah edən gənc bildirib ki, olay ətrafdakı insanların diqqətini cəlb edib və o, sevgilisi və digər insanların qarşısında xoşagəlməz anlar yaşayıb. O, Dənizkənarı Bulvar İdarəsindən şikayətçidir və skamyaların vəziyyətinin düzəldilməsini tələb edir ki, belə bir halı heç bir vətəndaş yaşamasın.
“Sumqayıtdan sevgilimə görə gəlmişdim, çoxdandır görüşmürdük, dedim onunla gəzim. Bu hadisə başıma gələndə çox utandım, xüsusən də sevgilim qarşısında. Ümid edirəm ki, bulvardakı skamyaları düzəldəcəklər ki, başqaları belə bir vəziyyətə düşməsin,” — deyə gənc oğlan bildirib.
