Azərbaycanda buraxılış imtahanlarının nəticələri açıqlanıb. Bu haqda bu gün, 16 aprel tarixində Bakuplus.az Dövlət İmtahan Mərkəzinə istinadən xəbər verir.
10 mart tarixində tam (11 illik) orta təhsil səviyyəsi üzrə keçirilmiş imtahanın cavabları bəlli olub.
İmtahanda iştirak edənlər keçidə daxil olaraq iş nömrəsi və şəxsiyyəti təsdiq edən sənədin nömrəsindən istifadə edərək nəticələrə baxa bilərlər. Şagirdlər imtahan nəticələri haqqında məlumatı mobil operatorlar vasitəsilə “iş nömrəsi”ni 7727 nömrəsinə göndərməklə də öyrənə bilərlər.
İmtahan iştirakçıları arasında 39 nəfər 300 bal toplamaqla ən yüksək nəticə göstərib.
İmtahanda iştirakı nəzərdə tutulan 53.102 nəfərdən 479 nəfər imtahana gəlməyib. İmtahan qaydalarını pozduğu üçün 11 nəfərin nəticəsi ləğv olunub.
Apellyasiya Komissiyasına müraciət etmək istəyənlər 23-25 aprel tarixlərində DİM-in saytında yerləşdiriləcək elektron ərizəni doldurmaqla qeydiyyatdan keçə bilərlər.
