Bakının Xəzər rayonu, Buzovna qəsəbəsində yaşayan sakinlər sahibsiz itlərlə bağlı problemi həll etməyi xahiş edirlər. Bu haqda bu gün, 7 oktyabr tarixində Bakuplus.az məlumat verir.
Sakinlərin sözlərinə görə, gecələr itlərin hürməsindən yatmaq olmur. Səhərlər dəstə-dəstə toplaşan itlər yoldan keçənlərə hücum edir. Uşaqlar məktəbə tək göndərilmir, balaca uşaqları qucaqda gəzdirmək lazım gəlir.
Sakinlər özlərini və heyvanları qorumaq üçün aidiyyəti qurumlardan itlərin sığınacaqlara yerləşdirilməsinə köməklik etməyi xahiş edirlər.
Ötən ay Bakı Şəhər İcra Hakimiyyəti (ŞİH) sahibsiz itlərlə bağlı problemi həll etmək üçün layihə təqdim edib. Lakin layihə hələ də qüvvəyə minməyib.
[video width="640" height="352" mp4="https://bakuplus.az/storage/photos/2022/10/whatsapp-video-2022-10-06-at-12.20.451.mp4"][/video]
