Casusluqda ittiham olunan Fransa vətəndaşının həbs müddəti uzadılıb. Bu haqda bu gün, 5 aprel tarixində Bakuplus.az APA-ya istinadən xəbər verir.
Səbail rayon Məhkəməsinin qərarına əsasən, Martin Rayan barəsində həbs müddəti daha 4 ay uzadılıb.
Şübhəli şəxs ötən ilin dekabr ayında Dövlət Təhlükəsizlik Xidmətinin əməkdaşları tərəfindən saxlanılmışdı.
Araşdırma zamanı Fransa Səfirliyinin 2 əməkdaşı Vyana Konvensiyası ilə ziddiyyət təşkil edən fəaliyyətlərinə görə “persona-non-grata” (arzuolunmaz şəxs) elan olunaraq ölkəni tərk edib. İş üzrə Fransa kəşfiyyatının geniş casus şəbəkəsi, o cümlədən mötəbər beynəlxalq təşkilatlara nüfuz etdirilmiş nümayəndələri ifşa olunublar.
Bir neçə gün əvvəl “France Presse” agentliyinə açıqlama verən Martin Rayanın atası Riçard Rayan baş verənlərdə Fransa Kəşfiyyatını günahlandırıb.
