COP29 iqlim konfransının iştirakçıları üçün iaşə xidmətlərinin təşkili məqsədilə COP29 Azərbaycan Əməliyyat Şirkəti tərəfindən yeni portal istifadəyə verilib.
Bakuplus.az xəbər verir ki, 11-22 noyabr tarixlərində Bakıdakı tədbir zamanı iştirakçılar müxtəlif qida seçimlərini - vegetarian, veqan, qlütensiz, südsüz və halal yeməkləri - müxtəlif xidmətlər vasitəsilə sifariş edə biləcəklər.
Portal, həmçinin Yaşıl və Mavi Zonalar üçün fərdi qidalanma sifarişləri, çay və nahar fasilələri kimi əlavə xidmətləri də təklif edir. İaşə xidmətləri dayanıqlı prinsiplərə əsaslanacaq, yerli və mövsümi məhsullardan istifadə edilərək karbon izinin azaldılması hədəflənəcək. Həmçinin, plastik tullantıların minimuma endirilməsi və ekoloji cəhətdən təmiz üsullardan istifadə olunacaq.
Rezervasiya üçün portaldan istifadə edilə bilər, ətraflı məlumat isə catering@cop29.az ünvanına müraciət edərək əldə edilə bilər.
Almaz Qasımova
