“Crocus City Hall”da aparılan axtarış-xilasetmə işləri yekunlaşıb. Bu haqda bu gün, 27 mart tarixində Bakuplus.az Rusiya Fövqəlarə Hallar Nazirliyinə istinadən xəbər verir.
Bildirilir ki, 900 kubmetrdən çox dağılmış konstruksiya sökülərək binadan çıxarılıb. Bundan sonra işlər mühəndis avadanlıqlarından istifadə edilməklə mexaniki üsulla aparılacaq.
22 mart tarixində axşam saatlarında bir neçə silahlı şəxs Moskva vilayətində yerləşən “Crocus City Hall” konsert zalına soxularaq ziyarətçilərə və mərkəzin işçilərinə atəş açıb. Daha sonra konsert zalı yandırılıb. Son məlumatlara görə, terror aktı zamanı 139 nəfər ölüb, 200-ə yaxın insan yaralanıb.
