Bakı Ağır Cinayətlər Məhkəməsində Binəqədi rayon bələdiyyəsinin sabiq sədri Aytac Əliyeva və onun bacısı İlknur Əliyevanın (Turkut) cinayət işi üzrə məhkəmə prosesi başa çatıb. Bu haqda bu gün, 5 dekabr tarixində Bakuplus.az APA-ya istinadən məlumat verir.
Hakim Rasim Sadıxovun sədrliyi ilə keçirilən iclasda oxunan hökmə əsasən, Aytac Əliyeva 7 il, İlknur Turkut isə 6 il müddətinə azadlıqdan məhrum ediliblər. İlknur Turkut məhkəmə zalında həbs olunub. Hökmdə, həmçinin qeyd olunub ki, Aytac Əliyeva 3 il dövlət işində çalışa bilməz.
Binəqədi rayon bələdiyyəsinin sabiq başçısı Aytac Əliyeva bacısı İlknur Əliyeva ilə birgə qızıl alveri adı ilə vətəndaşlara qarşı dələduzluq etməkdə və 1 milyon manata yaxın vəsaiti mənimsəməkdə ittiham olunublar.
Faktla bağlı “Dələduzluq külli miqdarda ziyan vurmaqla törədildikdə” maddəsi ilə cinayət işi başlanıb, bacılar barəsində həbs qətimkan tədbiri seçilib. Bundan əvvəl İlknur Əliyeva ev dustaqlığına buraxılıb.
