Daxili İşlər Nazirliyi (DİN) kibertalamaya və kiberdələduzluğa qarşı maarifləndirici sosial videoçarx hazırlayıb. Bu haqda bu gün, 30 noyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
“Dələduzların qurbanı olmayın. Kartın 16 rəqəmini, bitmə tarixini, CVV və 3D kodunu heç kimə verməyin. Dələduzla keçirilmiş ən gözəl şahmat partiyası baş tutmamış partiyadır”, – videoda deyilir.
Son vaxtlar sosial şəbəkələrdə kiberdələduzluq halların sayı qəfil artıb. DİN vətəndaşları internet üzərindən edilən təkliflərlə bağlı diqqətli olmağı, tanımadıqları şəxslərə, etibar etmədikləri səhifələrə onlayn qaydada ödəniş etməməyi tövsiyə edir. Kibercinayətkarlıqla üzləşdikləri halda, şəxslər polisə məlumat verə bilərlər.
